الونس
الونس
كتبت/ لبنى بدر
الونس "..ليست
كلمة بسيطة...هي بالنسبة لأحدهم أمنية عظيمة ...
وبالنسبة للبعض حلم بعيييد جدا إنه يتحقق أو حتى يعثر عليه ...
في ناس حظهم حلو إنهم لقوه فعلا وعايشين بحسه...
الحد الونس هو الحد اللي أنفاسه الطبيعية ما بيعرفش يتنفسها إلا في وجودك حواليه ،..
هو الصدفة العجيبة اللي جمعتك بشبيه روحك وتوأمك النفسي ...بتحسه إنه كتير عليك
هو الحد اللي بيمنع بوجوده احساسك بالوحشة والخوف والقلق ، لأنه سبب رئيسي في وجود" الأمان "
هو حد ما بيتوصفش بالكلام .. حد عنده استعداد انه يرمي ماضيه ومستقبله في سبيل لحظة يقضيها معاك وجنبك ...
الحد الونس ده نعمة يا تستحقها
يا ما تستحقهاش
انت ونصيبك ...يا هيكون منتصفك الحي ...يا منتصفك المميت
يا إما نصك الضايع اللي هيكمل فيك النواقص ..يا نصك المتهالك
هو الايدين اللي بتحاوطك في عز مخاوفك ووجعك ووحدتك ...الحد اللي قابلك زي ما انت وفاهمك وحافظك وساندك بكل جوارحه .....
لو في حد في حياتك "انسان ونس " بجد
حافظ عليه بدمك وعقلك وقلبك
لأنه ما بيتعوضش ...سهل تلاقي حد يشاركك الحياة ...لكن انك تلاقي الحد اللي ما بيعرفش يعيش الحياة غير من خلالك انت وبس ...ده صعب ...و صعب جدا
لكن مش مستحيل
"الحد الونس رزق " يا بختك لو صادفته واتكتب لك العيشة جنبه
تعليقات
إرسال تعليق