كابتن عبد المنعم بدران واحد من اساطير كرة القدم الدمياطية

كابتن عبد المنعم بدران واحد من اساطير كرة القدم الدمياطية

كابتن - حسن الدالي

 سؤال يبحث عن إجابة

الكابتن عبد المنعم بدران واحد من اساطير كرة القدم علي مستوي مصر من الأقاليم ولما اقول ان فيه لاعب من الاقاليم قدر يعمل اسم كبير في عالم كرة القدم يبقي اكيد كان فلته وموهبة لم يستطيع أحد إنكارها.

السؤال هنا اين الكابتن بدران من القنوات الفضائيه الرياضية في مصر لأن وجودة يعطي قيمة لأي استوديو تحليلي او اي برنامج في الوقت اللي بنشوف فيه ناس يتم استضافتها ليس لها تاريخ ولا اسم وكل تاريخها أنها لعبت شوط او نص ساعة او خمس دقايق آخر الماتش 

بدران بالنسبة لنا ولاجيال كتير  في أهمية  فاروق جعفر وحسن شحاتة والخطيب ومصطفي عبدة ومختار وطاهر يابوزيد واعتقد انه لولا وجودة في الأقاليم بعيدا عن الأضواء لكان في مكان تاني.

ياريت نلحق نفسنا ونعرف رموزنا ونعطيهم حقهم الغائب منذ سنوات فهذة فرصة ذهبية للاستوديوهات والقنوات الفضائية للاستعانة بهؤلاء العمالقة اصحاب التاريخ الحقيقي والنجومية الغير مصنوعة بدلا من هؤلاء العيال اللي لا ليهم تاريخ ولا طله ولا يعرفوا حاجة غير انهم صدعونا وملينا من تكرارها.

ارحمونا بقي واعملوا حاجة صح بقي وبطلوا مجاملات علي حساب المشاهدين واعرفوا تاريخ الكورة الحقيقي في مصر ولو ما حضرتوا هذا التاريخ ياريت تسألوا اللي يعرفوة وحضروة

الحقوا نفسكم قبل فوات الأوان وكفاية بقي.